आठवणीतली सहल by सौ सुवर्णा बाबर | Thanditil Sahal Nibandh Marathi 2024

साहित्यबंध समूह आयोजित साप्ताहिक स्पर्धेतसौ सुवर्णा बाबर यांनी Thanditil Sahal Nibandh Marathi या कीवर्ड वर आधारित “आठवणीतली सहल” हा लेख लिहिला आहे. चला तर वाचूया.

साप्ताहिक उपक्रम क्र. १०

लेख विषय :- हिवाळ्यातील अविस्मरणीय सहल

आठवणीतली सहल | Thanditil Sahal Nibandh Marathi

“सहल” प्रचंड आवडीचा विषय. तसा तो तुम्हा सर्वांच्याही आवडीचा विषय असावा. हो ना? असणारच ना. कोणाला नाई आवडणार फिरायला.
कौटुंबिक सहल असो, मित्र-मैत्रिणीं सोबत किंवा मग कधीतरी आपली एकट्याची असो. प्रत्येक सहलीची मजा काही औरच असते ना.

आठवणीतली सहल | Thanditil Sahal Nibandh Marathi

तश्या आत्ता पर्यंत माझ्या बऱ्याच सहली झाल्या. पण मनात घर करून राहिली माझी कॉलेज मधील सहल. मी पदवी शिक्षण घेण्यासाठी मुलींचे वसतिगृहात रहात होते. कॉलेज च्या द्वितीय वर्षी ऑक्टोबर महिन्या मध्ये आमच्या संगणक विभाग च्या विद्यार्थ्यांसाठी सहलीची सुचना सुचना-फलक वर लिहिली. सर्व मुलांनी ती वाचली आणि मग काय सगळी कडे सहलीचे वरे वहायला लागले. सर्व मुला- मुलीं मधे फक्त एकच चर्चा रंगली होती. सहल कुठे जाणार, सहलीला कोण कोण येणार, किती दिवसांची असेल वैगरे वैगरे… आणि एकदा ची सहलीची इत्मभूत माहिती मिळाली. एक, दोन दिवस नाही तर तब्बल अकरा दिवसांची सहल. आधी तर हे स्वप्नचं वाटलं. पण हे खर होतं नक्की.

आठवणीतली सहल | Thanditil Sahal Nibandh Marathi

एवढे दिवसांची सहल म्हणजे मग तयारी पण तशीच होती. सहलीचा दिवस जवळ येतं होता तशी अधिकाधिक उत्सुकता वाढत होती आणि तयारीला ही चांगलाच वेग आला होता. डिसेंबर महिन्या च्या २३ तारखेला सहलीचे प्रस्थान होणार होते.

आमचा ७ मैत्रिणींचा एक गृप होता. आम्ही सगळ्यांनी मिळून ठरवलं होता की कोणी काय काय खाऊ घ्यायचा. मग एकीने चिवडा, एकीने शंकरपाळी, एकीने नमकीन अस बरंच काही.

तयारी करता करता शेवटी तो दिवस उगवला. आम्ही ७ मैत्रिणी आणि आमचं सामान थंडीचे कपडे, शाॅल, साॅक्स, स्कार्फ, एवढा मोठा खाऊ असा सगळा बोऱ्या-बिस्तरा, लवा-जमा घेऊन आमच्या सहलीचा श्री गणेशा झाला. गणपती बाप्पा मोरया म्हणुन आमची बस निघाली. माझ्या वर्गातले मित्र, मैत्रिणी, ३ सर आणि आमच्या मॅडम असा आमचा प्रवास सुरू झाला.

आठवणीतली सहल | Thanditil Sahal Nibandh Marathi

थंडीचे दिवस, उगवता सूर्य, रस्त्याच्या दुर्तफा पाळणारी झाडं, मागे पडणारा रस्ता, आणि अंगाला झोंबणारा गरवा. गप्पा गोष्टी करत प्रवास मस्त सुरू होता. कधी गाण्याच्या भेंड्या, कधी डान्स, कधी छोट्या छोट्या गेम्स खेळत मजेत सर्व जण सहलीचा आनंद घेत होते.

विजापूर, हम्पी, हाॅस्पेट, बेंगलोर, मैसूर, श्रीशैलम्, हैद्रबाद अशी सगळी प्रेक्षणीय स्थळे पाहायला खूप आनंद होत होता. कडाक्याची थंडी, एक रात्र मुक्काम, एक रात्र पूर्ण प्रवास, कधी धर्म शाळेत तर कधी यात्री निवास मध्ये मुक्काम अशी सगळी गंमत जम्मत सुरू होती.

आठवणीतली सहल | Thanditil Sahal Nibandh Marathi

दक्षिणे कडचा भाग असल्याने रोज नाश्ता आपला इडली, डोसा. जेवण ढाब्यावर. असा एकंदरीत आमचा सगळा प्रवास सुरू होता. रोज एक नवीन ठिकाण, रोज नवा निसर्ग, रोज नवी धावपळ, रोज नवा प्रवास……

नवीन ठिकाणांची नवलाई, उस्तुकता यामुळे थंडी चा कुठे लवलेशही राहिला न्हवता. १० दिवस कसे गेले समजलंच नाही. आणि परतीचा प्रवास सुरू झाला. गम्मत अशी झाली की तिकडे सगळे कन्नड, तेलगू बोलणारे ना. त्यांना मराठी समजतच न्हवतं. मग आम्ही हिंदीतून बोलायचोत. आणि झालं असं की १० दिवसांमधे पूर्ण हिंदी बोलू लागलो. आपण महाराष्ट्र मधे आलो आहे हे समजलंच नाही. कुठे जेवणासाठी थांबलो तर आम्ही हिंदी तून आणि ते मराठीत बोलत. तेव्हा लक्षात आलं आपण आलो आहोत महाराष्ट्र मधे.

आठवणीतली सहल | Thanditil Sahal Nibandh Marathi

हे लक्षात येताच सहल संपली याची जाणीव झाली आणि मग मन नाराज झालं. पण आनंद हा होता की खूप छान छान आठवणी मनात साठवून घरी परतणार होतो.

या सहलीला आज २१ वर्षे झाली. पण आज ही तशी, तेवढीच मनात घरी करून राहिलीले माझी आठवणीतली सहल.

सौ सुवर्णा बाबर
पुणे

आठवणीतली सहल | Thanditil Sahal Nibandh Marathi

समाप्त.